مشاهدة النسخة كاملة : صالة متابعة الحلقة الأخيرة من شاعر المليون
~ رنين ~
20-03-07, 09:00 PM
السلام عليكم و رحمة الله وبركاته
اليوم آخر حلقة من حلقات البرنامج الناجح عندي
شاعر المليون
روضة كاشخة و محمد قال موال مدري شلّة ببداية الحلقة
يعني اليوم جديد في جديد و نعدكم بالمزيد من المفاجآت :D
الشعراء كاشخين
و مبين اثر تنظيف البشرة و الساونا و الجوكوزي
واضح تحيز جمهور الصالة لإبن فطيس المري
و واضح تحيز من قبلي لتركي الميزاني
و واضح تحيز من قبل والدتي لإبن مريبد العازمي
الله يهديها امي تحب تعاندني :D
الله يستر :(
يقولون قطر فاتحة خط التصويت مجاني
انا ماصوت ... مرة وحدة فقط صوت لتركي
وبعدها أبت نفسي .
روضه تشكر ناصر
و كاشخة باللبس الاماراتي ... وهي شكلها باكستاني
بس يالله بنمشيها لهم
روضة ترحب بلجنة التحكيم
و لجنة التحكيم اليوم مو زي العادة
توقعتهم ارتب من كذا
غسان الحسن يصفق لنفسه
لما قالت روضه اسم غسان و تركي
الجمهور طلّع صوت انهم غير محبوبين
و الله الجمهور من شفته متحيز لإبن فطيس و انا ما ادانيه
من مبدأ الشفافية ما حبيت جمهور الصالة
الشاعر اللي هو الضيف
غير معروف
وغير مشيوف من قبل
يالله نخليكم مع قصيدة الضيف
فاصل و اواصل
~ رنين ~
20-03-07, 09:19 PM
عُـــدنـــــا
محمد يرحب من جديد بجميع الجماهير
و روضة جنبه و مبققه عيونها بالكاميرا
سوت حركة ***ه كنها بتطيح
غسان يتحدث
ويرحب بجميع الامراء و الحضور
مبعدين المايك عن فم الدكتور غسان
مدري كنهم خايفين ياكله؟ ... عيب المفروض يخلونه قريب منه
مع ان صوته قوي مايحتاج مايك
رهيب غسان يوم يقول شعر نبطي
الحين نجوم السهرة الا وهم الشعراء
عبد الرحمن الشمري يبدأ
القى قصيدته على طرّق قصيدة لشاعر قديم
كالعادة ما افهم من شعر هالشاعر كلمة
يذكرني بدكاترة الجامعة يفرحون لما يشرحون ونقولهم محنا فاهمين
يستانسوووووون
الحين ابن مريبد العازمي اللي دايم مضيع
بس شعره رهيبه
امي معجبة بشعره و تقول اي بالله
سلطان العميمي يلعب بالمايك
كنه منسجم مع القصيدة و نسى نفسه
ابن مريبد مازال يلقي قصيدته ويشوح بيدينه
المسعودي حاط يده على فمه مدري وش عنده
ابن فطيس المري
الجمهور معطيه ثقه قويه
هو رائع بس المشكله الجمهور وده تلطيش
يقهرون :(
سبحان الله ابن فطيس ذا يوم يلقي الشعر
كنه جدي السابع اللي ماقد شفته
حركاته و كلامه كنه شايب
بس هذا طبعا ما يعيبه
مازال ابن فطيس يلقي قصيدته
و مازلت اؤكد ان بني مره كانو يقصون الطريق
و خبيرين في قص الأثر
الحين يوسف العصيمي يلقي قصيدته
الكاميرا صادت حنان الترك وهي محجبة
الله يهديها و يثبتها ... ويهدينا ... آمين
هذا الشاعر يستاهل لقب الشاعر المشاكس
قوي قوي جدا
يالله حي الميزاني
جا دور الميزاني
ماش الصوت يا تركي :(
وش بك !! اصهل تكفى :(
ياجعل الفوز فالك
ونعم ونعم بمثايل تركي الميزاني
بس ليتك تقص شعرك
الله يستر ... لجنة التحكيم و البداية مع غسان
مراقب السوق
20-03-07, 09:26 PM
رنين النتيجه النهائيه طلعت وهي كالاتي
علي طريقة الاكشن
يموت بن فطيس ويتزوج عبدالرحمن روضه ويسرق احدهم جزمة الدكتور غسان.........
منقوله من رسائلي علي الموبايل
الكـــايد
20-03-07, 09:30 PM
مساء الخير
~ رنين ~
20-03-07, 09:33 PM
غسان يمدحهم كلهم
ومعجب بقصايدهم كلهم دون استثناء
حمد السعيد
يرحب بالشيوخ
ويمدحهم كالعادة
يقول انه 15 سنة ماقد كتب على الطرق الهلالي
سلطان العميمي
يرحب فينا اللي نتابع من منازلنا :D
محترم ذا الانسان مانسانا
بالله اسمعوا ملاحظاته قويه قويه وفي الصميم
اسمعوها انتم مافيني اكتب
<--- طب ليه فاتحة صالة متابعة و مكلفة على عمرك :D
العميمي يمدح في آخر 3 ابيات
يقول انها فخر للمقدرة الشعرية
صدقت يالعميمي
المسعودي دوره ينتقد
الله يهديه هالعضو
ماني عارفه ليه مع كل شاعر يستشهد ببيت شعر
خلاص مو كل واحد تمسكه تستشهد ببيت شعر لعوير و زوير
ينتقد الشمري على عباراته اللي ممكن تدخله في ذنب
المريخي دوره ينتقد
نفس الشي يمدحهم
بدا من عبد الرحمن وقاله صح لسانك
ابن مريبد فالك التوفيق
ابن فطيس مافيك حيلة
العصيمي فالك المليون
الميزاني صح لسانك
تمنى لهم التوفيق
انتقاده دبلوماسي
الحين محمد وروضه الكاميرا عليهم
روضه كانت دبيه وسمينه
والحين كنها ناحفه
الشعراء يسولفون مع بعض
و الجمهور اللي ماحبيته بيصوت
متأكده مليون بالميه انهم بيصوتون للمري
حنان الترك منزويه لوحدها
الله يسعدها
المري اعلى تصويت بنسبة 42%
حسبي الله على ابليسكم يا جمهور الفلس :(
الحين ننتقل للضيف
وبلاش الضيف يدخل ضمن المتابعه عشان ما نخسر بعض :D
روضه قمة الغباء تقاطع الضيف
عشان تشكر الشعراء ويروحون
الحمد لله و الشكر اتمنى الجزء الثاني من شاعر المليون ماتكون فيه روضه
لانها مذيعه مفضوحة وحركاتها كثيره
يالله خليكم مع قصيدة الضيف
الكـــايد
20-03-07, 09:34 PM
الحين المليون يوزع بينهم من الاول للخامس حسب الترتيب
ولا ياخذه واحد
~ رنين ~
20-03-07, 09:34 PM
رنين النتيجه النهائيه طلعت وهي كالاتي
علي طريقة الاكشن
يموت بن فطيس ويتزوج عبدالرحمن روضه ويسرق احدهم جزمة الدكتور غسان.........
منقوله من رسائلي علي الموبايل
هههه ممكن ليه لا
بس السؤال اللي يطرحه نفسه
تتوقع الدكتور يرجع بيتهم حافي؟؟؟ :p
الكـــايد
20-03-07, 09:35 PM
روضه ومحمد الهاشمي يقولون كانو مقدمين برامج اطفال
~ رنين ~
20-03-07, 09:35 PM
الحين المليون يوزع بينهم من الاول للخامس حسب الترتيب
ولا ياخذه واحد
مساء النور
و المليون فقط للفائز بالمركز الأول
الله يرزقك مليون ريال و مليون من الحسنات
~ رنين ~
20-03-07, 09:37 PM
روضه ومحمد الهاشمي يقولون كانو مقدمين برامج اطفال
هههه اصدق و الله
محمد الهاشمي ممكن
لكن روضة يقولون كانت تبيع حلاوه لدو هههه
الكـــايد
20-03-07, 09:39 PM
مساء النور
و المليون فقط للفائز بالمركز الأول
الله يرزقك مليون ريال و مليون من الحسنات
لو جاني مليون بعدل به في معدنية :o
~ رنين ~
20-03-07, 09:40 PM
من عيوب البرنامج
انهم مايعرفون يختارون ضيوف مميزين
قله قليله المميزين
الباقين ياربي لك الحمد و الشكر
عادي انهم يجيبون ضيف غير معروف
بس على الاقل لما تعرفونا عليهم
عرفونا على شخصية حلوة
مو شخصيات باردة تجيب الهم للمتابع
الحين دعايات
فاصل و اواصل
~ رنين ~
20-03-07, 09:42 PM
لو جاني مليون بعدل به في معدنية :o
الله يرزقك وان شاءالله برمشة عين
تغمض و تفتح الا المعدينة مدبلة بمحفظتك
بحول الله وقوته
الكـــايد
20-03-07, 09:43 PM
كذلك من عيوبه اثارة النعرات القبيلية والتعصب القبلي .
~ رنين ~
20-03-07, 09:45 PM
كذلك من عيوبه اثارة النعرات القبيلية والتعصب القبلي .
صدقت :(
مع ان البرنامج بكل عيوبه روعه
بس هالشي هو المصيبة
وانا من هذا المنبر اناشد القبايل بعدم العصبيه و العنصريه
تصدق يالكايد فيه سعوديين يصوتون للمري
يا حبينيلنا يالسعوديين و الله حبوبين و طيبين الله يسعدنا
ويعطينا على قد نيتنا
الكـــايد
20-03-07, 09:47 PM
الشمري يقول اخذت مليون دولار من شيوخ الجرباء فالاردن يستاهل
الكـــايد
20-03-07, 09:49 PM
صدقت :(
مع ان البرنامج بكل عيوبه روعه
بس هالشي هو المصيبة
وانا من هذا المنبر اناشد القبايل بعدم العصبيه و العنصريه
تصدق يالكايد فيه سعوديين يصوتون للمري
يا حبينيلنا يالسعوديين و الله حبوبين و طيبين الله يسعدنا
ويعطينا على قد نيتنا
الانتماء صار للقبيلة
المري يرجع يامي
البــــــــاز
20-03-07, 09:53 PM
برنامج مادي بحت
ودك كل الاموال اللي دخلت في التصويت وغيرها تدعم السوق بكره
وفال المؤشر المليون
البــــــــاز
20-03-07, 09:53 PM
الحين وش صار
البــــــــاز
20-03-07, 09:54 PM
وين المتابعه
البــــــــاز
20-03-07, 09:54 PM
رنين شكلك مبقق عويناتك في روضه
البــــــــاز
20-03-07, 09:54 PM
عسى تركي قفل نسبه فوق
الكـــايد
20-03-07, 09:56 PM
من ترشح يالباز ؟
رنين تقدرين تروحين للميلس:D
~ رنين ~
20-03-07, 09:57 PM
الحين دور عبد الرحمن الشمري
و طبعا لازم يبدي اعجابه بروضة
سبق وقلت ما اعجبني في هذا الشاعر
غزله المفرط بالمرأه
واللي قهرني فيه انه لما سألوه عن المليون اذا اخذه وش بيسوي
قال سفره على طول لبرى ومعي فلان و علان
كنه مفجوع سفر
أو كنه مسجون مو ساكن بديرة العز ديرة ابو متعب
ياجعل عيوننا ما تبكيه :(
المهم الحين مع قصيدة عبد الرحمن الشمري
نورت صالة شاعر المليون
بحضور ولي عهد الامارات الشيخ محمد بن زايد
ماشاءالله تبارك الله
رزه و هيبه و طيبه
الله يسعده
ياحظكم يالاماراتيين فيه مره
وياحظنا في ابو متعب مليون مره
بصراحة معجبه في هذا الانسان
الله يوفقه ويسدد خطاه
غسان بدا بالنقد
وضع المايك مع فم الدكتور غسان
يذكرن بالأرنب و الجزره
حتى الكاميرا متحيزة للمري :(
والله رهيب المري بس عاد قلبي متعنصر للسعوديه
بلدي و محد يلومني فيها ولا في ابنائها
اللي فهمته من كلام الشمري ان جاه مليون دولار
بس مدري من مين ... الجربا؟ الله اعلم
روضه واقفه لين تقطع عصب ركبها
ليتها تحرم من البرنامج وتريحنا
المسعودي ينتقد
وروضه رازه نفسها هي و دكان الذهب اللي لابسته
الكاميرا على الميزاني و خنافسه
ياربي منه ... ليته يحلق شعره
والله هذا عيبه الوحيد
بس سبحان الله (سماهم في وجوههم) مبين عليه طيب جدا
الله يوفقه :(
نعو لفلسفة الشمري
ويتكلم عن ثقافته الشمالية
وانه غير ملزوم في ثقافة اهل الجنوب
مع احترامه لهم ... ونحن بدورنا نؤكد على احترام جميع القبائل
طفش منه المسعودي
وسلمه للمريخي
يقول ان الجمهور منشغل بشعر الشمري
روضه تحاول تربك الشمري
بس الشمري اشوى تمالك نفسه و سوى نفسه عاقل
الحين مع الضيف و الهاشمي
وسبق وقلت ماني ملزومة بالضيف :D
فاصل و اواصل
البــــــــاز
20-03-07, 09:57 PM
تركي طبعاً
~ رنين ~
20-03-07, 09:58 PM
حي الله جميع من انضم الينا
برنامج مادي بحت
ودك كل الاموال اللي دخلت في التصويت وغيرها تدعم السوق بكره
وفال المؤشر المليون
هلا حياك الله يالباز
ليتهم يدعمون انعام فقط لا غير :p
الكـــايد
20-03-07, 10:00 PM
اذا قبايل برشح يوسف العتيبي
اما اذا شعر فالمري احسنهم شعر
~ رنين ~
20-03-07, 10:01 PM
عسى تركي قفل نسبه فوق
تفضل لطاولة كبااااااااااار الزوار
هذي الطاولة مخصصة لمشجعين الميزاني :D
سهموية عاجبك الميلس الظاهر :p
الله لاتعصبني الله يخليك
كفاية جمهور الصاله ودي ازنطهم زنط
حياكم الله منورين يا جماعه
منورين الصالة
مراقب السوق
20-03-07, 10:01 PM
وشفيك علي روضه تراها مزه
الكـــايد
20-03-07, 10:07 PM
العازمي شاعر متمكن ورائع
ظماي انت
20-03-07, 10:09 PM
العااااااااااااااااا اااااااااااااااااااا اااااااااااااااااااا ااااازمي
قصيدة ررررررررررررررروعة
المذيعة حولالالالالالالالالا
الكـــايد
20-03-07, 10:14 PM
اليوم روضة مكشخة .. الاماراتيات ياسلام
>>>>>>>>> شكلة يبي يتزوج اماراتية ( الثانية )
هذا اذا فيه نية زوااااااج !!! :)
~ رنين ~
20-03-07, 10:14 PM
والان مع مريبد العازمي
أمي تقول هذا شعره يعور العظام
قلت اجل مانبيه اذا كذا :D
يقالها تمدح أطال الله في عمرها
ابن مريبد بدا بقوه
جعل فاله التوفيق
الكاميرا الان على شباب من قطر
و كل واحد خنافسه اطول من الثاني
سبحان الله القطريين هذي عادتهم من عمر الدنيا
ما عليهم موضه ولا روضه :D
مريبد يستحوذ على كثير من التصفيق
يخش عليه الهاشمي ويقوله صح لسانك
حمد السعيد يمدحه طبعا
ويقول انه بكل مرحلة افضل من الثانية
ابو علي ... سلطان العميمي
سبحان الله اكثر واحد بالصالة بشرته تلمع
حتى عيال زايد ما يلمعون زيه
حتى دكان الذهب اللي لابسته روضه ما يلمع زي لمعة خشم العميمي
طبعا ماني مركزه على النقد زي الاشياء الثانية
لانكم تسمعون زي ما انا اسمع
المسعودي يمدح بالضيف
وروضة تصلح بالهامة اللي براسها
المريخي لابس شعار لعلم المملكة على جيب ثوبه
أحيي فيه هالحركة
وطنيته زادت وشكر ابو متعب و ولي العهد
و وزير الداخليه ... بس خير ليه ؟؟
أوكي الوطنيه حلوه ... لكن ليه هالشكر؟
والله مبين من وجه المريخي انه جايه كلام ونقد حارقه
بيض الله وجيهكم يا عيال السعودية
غسان ينكت
ويبي من الشاعر ينقد المريخي
العازمي ... فيه شعرة طايرة من تحت الغترة
ليته كد شعره زين ... الله يهديه بس
نرجع لغسان
يمدح بالشاعر و انه زي ماقال حمد السعيد
يتغير للأفضل طوال مراحل البرنامج
روضه تبي تسأل لجنة التحكيم
تستظرف الاخت دمها
يالله بنشوف وش سؤالها
شو احساسكم بآخر حلقة من حلقات شاعر المليون
تمخض الجبل :mad:
المسعودي ... مبسوط وعادي انها اخر حلقة
انتقلوا لناصر و ثوبه المنفوخ كما ذكرنا بالحلقة السابقة
وناصر علّق على ان المسعودي قال القصيدة مافيه اي ملاحظة
الحين مع التصويت
يالله يارب تعلي شانه عشان امي
80% ممتاز
ماشاءالله تبارك الله
الحين دور المري
و الصاله تحيز غير طبيعي
حسبي الله على ابليسكم من جمهور :(
الكـــايد
20-03-07, 10:15 PM
المري دخل بعاصفة من التشجيع
الكـــايد
20-03-07, 10:24 PM
قصيدة المري اليوم ليست مثل قصائده الاولة !!!
صراحة ماهي عاجبتني
~ رنين ~
20-03-07, 10:29 PM
جلس المري و يمسي بالخير على الجميع
و بدى يشكر محمد بن زايد ويستاهل و الله
ويشكر ابو ظبي
وبدا قصيدته الشاعر الشايب
كني لمحت فيصل اليامي بين الجمهور
ونعم به من شاعر
ماشاءالله بيض وجهنا و الله
وان انسى فلا أنسى ... ابن ساقان
نرجع للمري
ياربي سترك الكاميرا لقطت واحد قطري شعره كنه باروكه يربيه :(
الله يهديهم القطريين الطبيعه ذي شينه فيهم
نرجع للمري اللي مدري متى اتابعه :D
الكرسي اكبر منه
صدق المثل اللي قال (كل قصيرٍ مكير)
رائع هذا الشاعر رااائع ومحترم
يقولون انه محوّل غرفته بالفندق لبيت شعر
دلال و معاميل
المريخي عينه على محمد بن زايد
العميمي يتأمل القصيدة عشان كذا دايم ملاحظاته في محلها
وش معنى كلمة ( زبيني ؟ ) ... اسعفونا يالنبطيين والنبطيات
ملاحظين تحيز الجمهور ؟!!!!!!!!!!!!!!!!!!! !!!!
حسبي الله على ابليسكم من جمهور متوحش
ليت تركي الميزاني لما يطلبونه شلّه ولا موال
ما يطيعهم ... والله ما يستاهلون يتعب حنجرته عشانهم
بس محمد بن زايد يستاهل
روضه واقفه جنب المري ومبين عليها الطفش
كنها تقولم تى تخلصون
ولو انها جنب الشمري كان مسفهله و خاطرها منشرحه
وتلوموني فيها !
المري مدعوم اعلاميا كما اكد المسعودي
المسعودي فيه شبه بينه وبين حسن البلام
كني المح الجمهور يدقدق بالجوالات
شكلهم يصوتون للمري :(
المريخي يقول صح لسانك يالمري
والباقي ما تابعته يبوني اتعشى
و انا اخلاصا لهذا الموضوع ... رفضت العشاء المتأخر
غسان بدا ينقد
كني لمحت ابن عيبان اليامي
الحين بعد المري يجي دور العصيمي
~ رنين ~
20-03-07, 10:30 PM
ناصر يتريا ابن فطيس في الميلس :D
هههههههههههههههههههه ههههههههههههههههههه
~ رنين ~
20-03-07, 10:33 PM
الحين مع التصويت الغير محسوب
بالله لاحظوا نذالة جمهور شاطئ الراحة
اشوىىىىىىىىىىىىىىىىى ىىى 74%
لا لا كني ظلمتهم
يارب يالعازمي جعل الفوز فالك انت أو تركي
ياااااااااااااارب
قولوا امين
الكـــايد
20-03-07, 10:34 PM
زبيني = مثل مايقولون دخل عليه اي زبن عليه
~ رنين ~
20-03-07, 10:35 PM
الحين اول نسخة من مجلة المرقاب
اول نسخة من هذي المجلة
لأخونا بالمنتدى السيد فهد بن نمر (المرقاب)
~ رنين ~
20-03-07, 10:35 PM
زبيني = مثل مايقولون دخل عليه اي زبن عليه
اها
هي من كذا
زبنة المنجار وهكذا
فهمت فهمت الحين
انار الله دربك يالكايد
الكـــايد
20-03-07, 10:36 PM
قصيده المري غير جيده اليوم كما ذكرت والتصويت اثبت ذلك 74 %
رغم المجامله من اللجنه والاطراء
~ رنين ~
20-03-07, 10:37 PM
محمد الهاشمي و روضة
يقدمون أبو نورة
و يحييونه
مبين عليه العجز :(
الدنيا ما تدوم لأحد :(
الكـــايد
20-03-07, 10:38 PM
الان جاء دور يوسف العتيبي
الكـــايد
20-03-07, 10:47 PM
قصيدة معبرة عن بغداد
وعرف يختار القصيدة
( فيه احد الحاضرات تبكي من تاثرها بالقصيدة )
بعد هالقصيدة بديت ارشح يوسف لشاعر المليون
~ رنين ~
20-03-07, 10:55 PM
قصيده المري غير جيده اليوم كما ذكرت والتصويت اثبت ذلك 74 %
رغم المجامله من اللجنه والاطراء
صادق
اشوى الجمهور طلع عنده مصداقية
العازمي للحين هو التوب
الحين مع صاحب اكبر جماهيرية
يوسف العصيمي
سبحان الله احس إن محمد بن زايد ينبسط عليه ويحبه
قوي قوي ذا الشاعر
مو شعريا ... شخصيته قوية
ياهووووووووووووووووو ووووووووووه
قصيدته في الملك عبد الله الله يسعده ويوفقه ويطول بعمره
حبييب الشعب ابو متعب
الله يوفقك يالعصيمي دامك كاتب في ابو متعب
يقولون و الله اعلم
انه يوم اللجنة اعطته 22%
كان خلف بن هذال هو الضيف
فاشتكي يوسف العصيمي لأبو هذال
وقام ابو هذال وصل شكوته لمحمد بن زايد
اللي خلا اللجنة تعدل في علامته ... يعني درجته الحلقة الماضيه
مو كلها تصويت بس ... يقولون ان اللجنة عدلت درجتها
والله اعلى و اعلم
كذا سمعت
صوته يقطع مبين عليه تعبان
الكاميرا على الشمري و ناصر
و البنات يصفقون معجبين بالقصيدة
مازال العتيبي يمدح باللي يستاهل المدح
وحدة حرمة تبكي :( ليه ؟
عشان العراق؟ ... الله يفرجها عليهم يارب :(
تشبه للدكتور غسان بالمنطقة اللي تحت الدقن
و الله تصفييييييييييييييييق قووووووووووووووووووي
تستاهل تستاهل
يرفع عقاله للجمهور ... و الله قوي هالشاعر
مع اني ماكنت احبه ... بس جرأته تحسه رجال سند و ظهر
هز الصاله هز بقصيدته
يقول ان تصفيق الجمهور هو مليونه
والمسعودي ابو باسل يقول تستاهل المليون
ابو مشاري يقول صح لسانك يا يوسف
يقول انت تقول فكرك مشغول ... ثق ثقة تامة ان القاده العرب وعلى راسهم
ابو متعب مشغولين معكم قلباً و قالباً
وينهي كلامه بالتصفيق
غسان ما انتبهت له زين
والله المتابعة مرهقة ... ما يصرفون لي عليها مكافأه ؟ :D
حمد السعيد برضه مدحه
وقرصه بكلمه انه تحسن مستواه
فرد عليه العصيمي انه لو ما مستواه عالي ولا ماكان وصل لهالمكان
العميمي يمدحه برضه
الكل يحييه
أتوقع راح ياخذ درجة كبيرة في تصويت الصالة
التصويت باقي له 5 دقايق ويوقف
رجعو للضيف
ونرجع نحن للفاصل
~ رنين ~
20-03-07, 10:57 PM
الحبابي يقولون انه مريض
ونحن من صالة متابعة شاعر المليون
نقول له سلامات
العصيمي بالميلس مع ناصر
يوجه رساله للجمهور ويشكرهم
وشكر خاص لقبيلته (عتيبه)
احينه (الحينه تنطقها روضه احينه) مع التصويت
79% ممتاز
العازمي 80
الكـــايد
20-03-07, 10:58 PM
جمهور تركي لي ملاحظة على قصيدته الاولة اللي فالبداية .. البيت الاخير فيها غير
جيد .
الكـــايد
20-03-07, 11:00 PM
الان جاء دور تركي الميزاني
قصيدة وعظ وتذكر الاخره
~ رنين ~
20-03-07, 11:07 PM
تركي بن عطا الله المطيري
بدأ القصيدة على طول
وكأن مزاجه متعكر :(
محمد عبده مركز على قصيدة الميزاني
ياربي قصيدة عن الموت :(
الله يحسن خاتمتنا
الله يرحم موتى المسلمين و المسلمات ... آمين
حنان الترك متأثره بالقصيدة
الله يثبتها ويزيدها هدى و تقى
صح لسانك يا تركي الميزاني
المريخي ... يقوله صح لسانك
ويقول من بداية المسابقه وانت موفق بكل اختيار لكل قصايدك
و ختمت مشاركاتك بالتوبة
يقول انه وضع بصمة خاصة مميزه له
ويرد تركي ان هذا هو الهدف
د. غسان ... يشرّح الكسيدة
حمد السعيد يسأل الميزاني
متفائل بالمليون ؟
قال انتم المليون ... ذرب حتى في ردودك يا تركي بارك الله فيك
و الله ما اعرف المطران ولا قد صاحبتهم
ولكن اعجبت فيهم من خلالك يالميزاني
العميمي ... تشريح بمشرط اخر
المسعودي ... يدعي له بالتوفيق
ويقول انه مشرّف بحضوره
و الجمهور يبي موال
ليت تركي يردهم ... بس ولد الاجاويد مايسويها
يقولون مافيه وقت
لكن زي ماقلت لكم ولد الاجاويد ما يرررررررررردهم
والله ان الجمهور ماش ... لكن يالله
عشان محمد بن زايد
هذا الموال كان دايم يطلبه منه العميمي
ومايقوله تركي
و هالمره قاله
رهيب و الله رهيب هالشاعر
يارب يفوز يارب يارب
ياعلتنا من الضيف الاقشر :o
~ رنين ~
20-03-07, 11:09 PM
والآن تركي بالميلس
وناصر مستلمه اسئله
يحول مايخلون الرجال يرتاح
وتركي يجيب على الاسئله بدرر وليس بأجوبه
~ رنين ~
20-03-07, 11:11 PM
الحين تصويت جمهور الشاطئ الراحة
82 % ممتاز
النسبة الأعــــــــــــــــ ــــــــلـــــــــــ ــــــــــــــــــــ ــــى
اشوى عدّل الجمهور وضعه
فعدلت رأيي فيه :D
الكـــايد
20-03-07, 11:11 PM
رنين فيه قصائد ثانية للشعراء ولا خلاص
~ رنين ~
20-03-07, 11:12 PM
رنين فيه قصائد ثانية للشعراء ولا خلاص
لا .. خلاص
~ رنين ~
20-03-07, 11:13 PM
تركي المريخي يقول النتايج
الشمري = 22.2 من 25
العازمي = 23
المري = 23.2
العصيمي = 22.8
الميزاني = 22.2 :(
~ رنين ~
20-03-07, 11:17 PM
كني عرفت النتيجة خلاص :(
وش تتوقعون بالله ؟
الكايد عطنا رايك ... و الموجودين اذا فيه احد
~ رنين ~
20-03-07, 11:20 PM
مابعد يتوقف التصويت
باقي عليه دقيقتين
~ رنين ~
20-03-07, 11:24 PM
الشعراء مع بيرق الشعر
كنهم عرسان مو شعراء
ماشاءالله تبارك الله
التصويت توقف :(
زيدون مدير المسرح جايب النتيجة
الله يكفينا شرك يا زيتون
يارب
نتيجة المركز الثالث
الشاعر
الشمري
الكـــايد
20-03-07, 11:24 PM
الان النتيجة
المركز الثالث عبدالرجمن الشمري
الكـــايد
20-03-07, 11:25 PM
المركز الثاني : تركي الميزاني
~ رنين ~
20-03-07, 11:25 PM
شكله زعل الشمري
الحين المركز الثاني :(
يارب
الميزاني كنه خايف :(
يارب لا تخيبه بالمركز الاول :(
يووووووووووووووووووه المركز الثاني
تركي بن عطا الله الميزاني
خلاص اكيد الاول للمري :(
الكـــايد
20-03-07, 11:26 PM
المركز الاول : محمد المري
يستاهل
~ رنين ~
20-03-07, 11:27 PM
المركز الاول من نصيب
محمد بن فطيس المري :(
مبروك لبني مره
يستاهل و الله
بس كنت ابيه سعودي الفوز
آخ ياناس :(
الكـــايد
20-03-07, 11:38 PM
المري تبرع بالملين لاطفال فلسطين وقطر
شكله مدعووووووم بقوة
~ رنين ~
20-03-07, 11:46 PM
المري تبرع بالملين لاطفال فلسطين وقطر
شكله مدعووووووم بقوة
هو مبسوط اصلا
ماهو محتاج للمليون
خلاص ماعاد نبي متابعة
لا أسهم ولا اي شي
اكتشفت ان اي شي نتابعه
يتعب :(
مشكلتنا اننا انقسمنا بين 3 شعراء
المشاري
20-03-07, 11:50 PM
مبروووك للجميع
بس اعتقد ان العازمي لم ياخذ ما يستحقه
على الاقل يكون من الاوائل
لكن الله يرزق الجميييع
أم مشاري
21-03-07, 12:10 AM
كان ودي الشمري يفوز :(
~ رنين ~
21-03-07, 12:13 AM
جابو تقرير عن اللجنة
وبعده تقرير عن المري
ماشاءالله عليه فارس
أشعاره قوية
روضة تصيح على الجمهور
فيه مهرجان يوم الثلاثاء من العصر
الى الليل (مهرجان شاعر المليون)
ياشين ضحكة روضة
مع ان من مبدأ الشفافية صوتها حلو
بس ضحكتها شينه
ناصر و محمد الهاشمي كنهم ما يبون يخلصون الحلقة
والحين جا وقت محمد عبده
~ رنين ~
21-03-07, 12:15 AM
كان ودي الشمري يفوز :(
هلا و الله وغلا
نوّر الموضوع
يا بنت الحلال وش لك بالشمري :(
يحول ... لجل عين تكرم مدينة
عفوت عن الشمري :D
الموضوع حلو
وزاد حلاه يوم شاركتي فيه يا ام ميشو
أم مشاري
21-03-07, 12:15 AM
اقول ما كان محمد عبدة عمل تنفيخ بوجهه
الله يحسن خاتمتنا
أم مشاري
21-03-07, 12:16 AM
حبيبتي انتي الي تحلي اي مكان بدمك السكر
بس ناظري وجه حمد عبده ماكأنه مسوي تنفيخ خدود وكنها موفيات
~ رنين ~
21-03-07, 12:18 AM
http://www.nabati.org/images/rawda.jpg
روضة محمد بن حافظ
مذيعة إماراتية ، تعتبر من أبرز المذيعات الخليجيات التي تتميز بحضور ذات طابع مميز على الشاشة. قامت بإعداد وتقديم برامج مختلفة على العديد من القنوات المحلية والعربية منها قناة دبي الفضائية ، قنوات راديو وتليفزيون العرب ART ، ومركز تليفزيون الشرق الأوسط MBC.
~ رنين ~
21-03-07, 12:19 AM
حبيبتي انتي الي تحلي اي مكان بدمك السكر
بس ناظري وجه حمد عبده ماكأنه مسوي تنفيخ خدود وكنها موفيات
محمد عبده اليوم مو عاجبني
اسنانه مو تمام وحالته مو تمام
فيه شي الرجال
من اول مايطلع الا و هو انتيكه
ماش الليلة هذي ماهي سعودية بكل المقاييس :D
أم مشاري
21-03-07, 12:23 AM
خخخخخخخخخخخ
الله يسعدك
اليلة نبطية ما في الاماكن الظاهر
~ رنين ~
21-03-07, 12:26 AM
الاسم: تركي الميزاني
السن: 27 <--- وسيعه شوي :(
البلد: العربية السعودية
المهنة: شاعر
بما أن المناسبة شعرية سوف أتكلم عن حياتي الشعرية أنا شاعر أمارس شعر القلطة في دول الخليج وألقيت شعر النبطي من أربع سنوات تقريباً وبدأت النشر في الإعلام القروء والمرئي .
الاسم: عبد الرحمن عادل الشمري
السن: 32
البلد: السعودية
المهنة: صاحب نشاط تجاري
الحين اعطوه شيوخ الجربا مليون دولار
بيصير رجل اعمال
أعزي وأمارس حياتي بشكل عادي ، أحب هواياتي المتركزة على الشعر والأدب العربي ورياضة القنص
الاسم: محمد مريبد العازمي
السن: <--- ليه مخفيه ؟
البلد: العربية السعودية
المهنة: <-- عندي احساس انه مدرس مدري ليه
شارك في تليفزيون الكويت من خلال برنامج لوحات شعبية ، برنامج ديوانية شعراء النبط ... كما شارك في مجلة قطوف ... نُشرت له قصيدة واحدة في مجلة قطوف في شهر أغسطس 2006
الاسم: يوسف بن عبد الرزاق بن جابر العصيمى
السن: 23 <-- صغير
البلد: العراق
المهنة: أعمال حرة
ولدت ونشأت في الكويت في عائلة بدوية تهتم بالشعر، ثم انتقلت إلى العراق ثم إلى الإمارات - ولم اتجه للإعلام إلا من خلال برنامج شاعر المليون.
الاسم: محمد حمد محمد فطيس المري
السن: 27 <--- كبير الرقم عليه
البلد: قطر
المهنة: موظف
له عدة مشاركات في مجال الشعر ... ينتسب إلى قبيلة آل مرة ... يعمل موظف إداري بأحد المراكز الصحية بدولة قطر .. حاصل على دبلوم إدارة .. بدأ مشواره بالساحة في 2001 تقريباً .. شارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية بأبوظبي ، ومؤخراً في شاعر المليون.
الاسم: عبدالله بن غريب الحبابي
السن: 36
البلد: الإمارات العربية المتحدة
المهنة: <-- ماعند نية نعرف شي عنك :( ماحبيته
حاصل على ماجستير في إدارة الأعمال / التسويق ( 1998 ) - شارك في العديد من المهرجانات منها مهرجان الشعر الخامس في دبي ، البرنامج القطري التلفزوني مشاعر حالمة. كما شارك في أمسيتين شعريتين في المملكة العربية السعودية ودولة الأمارات.
أم مشاري
21-03-07, 12:27 AM
اقولك ماتحسين الاعداد ضعيف
يعني يخلون اللجنة تتكلم وبعدين يجيبون ريبورتاج عنهم
~ رنين ~
21-03-07, 12:29 AM
http://www.nabati.org/cont_images/preview/Lebnan-Al-Dosary.jpg
الاسم: لبنان بن عبدالله آل منيع الدوسري
السن: 27
البلد: العربية السعودية
المهنة: أعمال حرة
وُلد في مدينة وادي الدواسر عام 1400 هـ - تعلم حتى الثانوية العامة في مجال الدراسة – عمل لمدة ثمانية أعوام في شركة السلام للطائرات.
هذا الشاعر اكثر واحد تصيده الكاميرا وهو فاتح فمه
ويتضايق ويعصب هههه ويبين
اتمنى يعيدون البرنامج كله عشان الكفشات اللي يكفشونه فيها
~ رنين ~
21-03-07, 12:31 AM
اقولك ماتحسين الاعداد ضعيف
يعني يخلون اللجنة تتكلم وبعدين يجيبون ريبورتاج عنهم
الاعداد ضعيف من يوم انهم مخلين روضه جنب محمد الهاشمي
والمفروض انهم إما:
- يلغون وجود روضه و هذا ما اؤيده :D
- أو يخلون محمد الهاشمي بالميلس و روضة وناصر لانهم متقاربين بالطول برى بالصالة
وطبعا هذي البداية لابد من وجود اخطاء
~ رنين ~
21-03-07, 12:33 AM
http://www.nabati.org/cont_images/preview/MohamedBinSaqan-S.jpg
الاسم: محمد حسن القحطاني
السن: 29
البلد: السعودية
المهنة: طالب
انتسب إلى قبيلة قحطان – عشت في المملكة في قرية صغيرة يطلق عليها جاش ومنها تعلمت الكثير كالكرم والطيبة والوفاء والشعر من واديها المخضر يطيب من يسكنها.
أكثر واحد انظلم بالبرنامج كله :(
أم مشاري
21-03-07, 12:34 AM
رنين الصالة متى تقفلينها
والا الجلسة مفتوحة؟؟
أم مشاري
21-03-07, 12:35 AM
ما أعرف أصور بس ناظري
21-03-07, 12:33 AM - #81
~ رنين ~
قلم مشارك
تاريخ التسجيل: Apr 2006
المدينة: الخبرة...هي المشط الذي تعطيك إياه الحياة ... عندما تكون قد فقدتَ شعرك
مشاركة: 2,525
رقم مميز
~ رنين ~
21-03-07, 12:37 AM
ما ينقفل مجلس الشيخة رنين
<-- متأثرة من البرنامج وعلوم القبايل :D
والله الموضوع مفتوح
والموضوع منكم و اليكم
مفتوح لين يجي النشمي هو و قفله
إما يقفله او يخليه لين يروح من حاله للصفحات اللي ورى
ليه ام مشاري تبين شي؟؟
ترى ماعندنا حريم يهجون من ريجيلهم :D
اعقلي يا مره :p
~ رنين ~
21-03-07, 12:38 AM
ما أعرف أصور بس ناظري
21-03-07, 12:33 AM - #81
~ رنين ~
قلم مشارك
تاريخ التسجيل: Apr 2006
المدينة: الخبرة...هي المشط الذي تعطيك إياه الحياة ... عندما تكون قد فقدتَ شعرك
مشاركة: 2,525
رقم مميز
يربي يسعدك أول مره احد يهتم بعدد مشاركاتي :o
توني حسيت بشعور بن فطيس المري :D ههههه
أم مشاري
21-03-07, 12:40 AM
ليه ام مشاري تبين شي؟؟
ترى ماعندنا حريم يهجون من ريجيلهم :D
اعقلي يا مره :p
:D :D :D
أموت عليكي ياشيخة
الرجال يقول وراكي تضحكين
فضحتيني
يختي دمك بسم الله شرباااااات سكر عسل مدري شقول لا بس مستانسة
~ رنين ~
21-03-07, 12:42 AM
:D :D :D
أموت عليكي ياشيخة
الرجال يقول وراكي تضحكين
فضحتيني
يختي دمك بسم الله شرباااااات سكر عسل مدري شقول لا بس مستانسة
الله يحبب خلقه فيكِ يا شيخة
والله انتِ اللي دمك شربات يا عسلة :D
ليتك من اول جايه يا ام مشاري :(
اعوذ بالله روضة كانت محومة كبدي
كان جيتي ولطفتي الجو شوي :(
~ رنين ~
21-03-07, 12:44 AM
إلا صدق يا ام مشاري بسألك
دامك تبين الشمري يفوز
بالله تفهمين شعره؟
يا اختي احسه يزودها بالمصطلحات الغربية
كنه يكتب الشعر للشمامرة فقط لا غير
ما أفهم عليه
المشاري
21-03-07, 12:48 AM
اقول ما كان محمد عبدة عمل تنفيخ بوجهه
الله يحسن خاتمتنا
اعتقد انه مسهرينه وهو ماهو متعود
او انه مضروووس ومنتفخ وجهه
الأسلمي
21-03-07, 12:49 AM
http://www.nabati.org/cont_images/preview/MohamedBinSaqan-S.jpg
الاسم: محمد حسن القحطاني
السن: 29
البلد: السعودية
المهنة: طالب
انتسب إلى قبيلة قحطان – عشت في المملكة في قرية صغيرة يطلق عليها جاش ومنها تعلمت الكثير كالكرم والطيبة والوفاء والشعر من واديها المخضر يطيب من يسكنها.
أكثر واحد انظلم بالبرنامج كله :(
تحياتي لصبي قحطااااااااان
~ رنين ~
21-03-07, 12:50 AM
تحياتي لصبي قحطااااااااان
يالله انك تحييه
وش دراك بالله ؟
أم مشاري
21-03-07, 12:51 AM
ياشيخه خليها على الله
منورين جميعا
~ رنين ~
21-03-07, 12:51 AM
تحياتي لصبي قحطااااااااان
ليه غيرت ردك ؟؟
قلت انه عسكري بالحرس الوطني بالاحساء
ليه غيرت ردك ؟
أم مشاري
21-03-07, 01:07 AM
رنين تصبحين على خير قلبو
it is nice talking 2 u
c u babe
~ رنين ~
21-03-07, 01:07 AM
أم مشاري وش رايك اسوي موضوع لقصايد ابن فطيس المري؟
أم مشاري
21-03-07, 01:08 AM
أم مشاري وش رايك اسوي موضوع لقصايد ابن فطيس المري؟
ممتاز روعة
سوي لي لاء
والباقيين كمان سويلهم
أم مشاري
21-03-07, 01:19 AM
بعد اذنك يا الغلى بقوم اتسهل
بجد استانست معاكي كثييير
الله لايحرمنا منك يا كل الغلا
~ رنين ~
21-03-07, 01:28 AM
بعد اذنك يا الغلى بقوم اتسهل
بجد استانست معاكي كثييير
الله لايحرمنا منك يا كل الغلا
اذنك معك يا ام ميشو
و الله نورتينا و اسعدتيني بتواجدك المليح يا مليحة
vBulletin® v3.8.6, Copyright ©2000-2012, النسخة الماسية
diamond