المساعد الشخصي الرقمي

مشاهدة النسخة كاملة : من قصاصات سهيمات ........ ( 3 )

سهيمات
13-07-06, 04:31 PM
إهداء خاص إلى من راسلني يطلب الجديد ...


في غربتي ..... يا فرحتي
ما به .. .. جديد
أحس إني وحيد
وأحس إني بعيد

صمتن رهيب .... وليلن كئيب
والناس حولي ... وأبقى وحيد

يا ناسي إنتي
ياراحتي إنتي
يافرحتي إنتي

في لــيــلي .... احتاج لك
في صبحي .... احتاج لك
ياغايـتي ..... محتاج لك

وكل مشتاق لك .... أشوفك بعيده
واحس إني وحيد ... ومابه جديد

يمرني طيفك مره ومره
مشتاق لك حيــل بالمره
الله .. لوتدرين وش كثر
محتاج لك .. حيل بالمره

باقي من الوقت سنه لو كان يوم
مرت سنه أثاري تونا اليــــــوم
متى يجي باكر ... ودي أشوفك
وأداوي جراحي بنظرة عيونك

الله .. يالغربة بدونك ... كلها ألـم
زادت جروحي جراح .. ماهو مهم
ما عليكي .. فدوة لعينيكي
ولا تشيلين هم
وش لونك انتي .. علميني .. طمنيني
هذا الأهم .. وأنسي الألم

جوهانسبيرغ / 1998م
" أم جنى "
14-07-06, 03:24 AM
" رائعة "

يغلفها الحزن


" صحيح أن الغربة تفجر ينبوع الإبداع "



وهناك ملاحظة صغيرة..

يظهر لي أن حرفاً سقط سهواً ..

( في لــيــلي .... احتاج لك
في صبحي .... احتاج لك
ياغايـتي ..... محتاج لك

وكل مشتاق لك )

"و كلي مشتاق لك" كما يبدو لي ..
وأعذرني إن أخطأت :D


ننتظر جديدك يا أستاذ
سهيمات
15-07-06, 12:31 AM
أم جنى .. أشكرك على التواصل .. وبانتظار جديدك .. على الأقل كل أسبوعين

ملاحظتك جديرة بالاهتمام .. ولا أخفيك سراً أن القصيدة قد مرت على مقص الرقيب قبل النشر ..

التعبيرات الخاصة عندما تطرحها للجميع تفقد بريقها.. إذن من الأفضل أن لا يقراءها إلا البطل ..

تحياتي ،،
أم مشاري
15-07-06, 01:32 AM
جميلة كسابقتها

تتنفس شوقا وتنزف عشقا

سهيمات<< دائما على الموعد

ونحن>> دائما بانتظار جديدك











وكل مشتاق لك .... أشوفك بعيده


أعتقد انك تقصد>>> وكلما أشتاق لك ...أشوفك بعيد

أنا فهمتها كذا >>>ان كل ما ِاشتاق لك يزيد احساسي ببعدك

صح كلامي أو لاااا